Ыам ыйын 31 кунугэр улуус оскуолаларын 10 кылаастарын үөрэнээччилэригэр, техникум устудьуоннарыгар сыллата ыытыллар байыаннай сулууспа төрүттэрин туһунан 5 күннээх учебнай-полевой сбор түмүктэннэ.
Сбор 4 нэһилиэк (Маалыкай, Хорула, Чуукаар, Хаҥалас) сирдэринэн ыытылынна. Уолаттар хонуу усулуобуйатыгар олорон байыаннай сулууспа туһунан теоретическай уонна практическай кууруһу бардылар. Кинилэргэ ОБЖ, физкултуура учууталлара, МЧС, ИДьМ, Росгвардия, улуустааҕы киин балыыһа уо.д.а. тэрилтэлэр үлэһиттэрэ дьарыктары ыыттылар. Уолаттар строевой, огневой, тактическай, физическэй уонна медицинскэй көмө бэлэмнэниитин аастылар. Аармыйаҕа сулууспа туһунан элбэҕи биллилэр-көрдүлэр. Ньурба к. Кыайыы болуоссатыгар сбор үөрүүлээхтик сабыллыытыгар сбор кэмигэр үчүгэй бэлэмнээхтэрин көрдөрбүт оҕолор, манна үлэлэспит учууталлар бэлиэтэннилэр.