Үүнэр көлүөнэни иитэр, үөрэх-билии аартыгар сирдиир, идэни талан сайдар суолу солуурга үөрэтэр, такайар нэһилиэкпит үөрэҕирии тэрилтэлэрин "Кунчээн" дьыссаат, Маар орто оскуолата, Ньурбатааҕы техникум үлэһиттэрин, бочуоттаах сынньалаҥҥа олорор бэтэрээннэри олунньу 15 күнүгэр чиэстээтибит. Телемост нөҥүө ыраах олорор бэтэрээннэрбит тэрээһини көрдүлэр, иһиттилэр.
Элбэх көлүөнэ дьону ииппит ытык-мааны күндү дьоммутугар ис сүрэхтэн тахсар махтал, эҕэрдэ сайаҕас тыллара ананнылар.
Үөрүүлээх тэрээһини минньигэс туордунан күндүлээн түмүктээтибит.

✍ "Алгыс" норуот айымньытын дьиэтэ.