Убаастабыллаах Саха сирин олохтоохторо!

☀️Саха норуодунай поэта Семен Данилов этэн турардаах:
Ийэ тылгыттан абыралы булуоҥ,
Кини баай байҕалыгар тиксэҥҥин
Баай дууһаланыаҥ,
Өлбөт өйдөнүөҥ.

☀️Биһиги өрөспүүбүлүкэбитигэр 1996 сылга олунньу 13 күнэ Төрөөбүт тыл уонна сурук-бичик күнүнэн биллэриллибитэ. Дьон төрөөбүт тылын уонна култууратын туһугар сомоҕолоһор биир сүрүн үтүө үгэс буолар.

☀️Бу кэрэ-бэлиэ күнүнэн тус бэйэм ааппыттан итиитик-истиҥник эҕэрдэлиибин! Хайа баҕарар норуот төрөөбүт тылын ытык өйдөбүл быһыытынан үрдүктүк өрө тутар, көлүөнэттэн көлүөнэҕэ чөл туруктаах хаалларар, салгыы сайыннарар, харыстыыр үлэни тиһиктээхтик тэрийэр буоллаҕына, кини омук быһыытынан уратыта сүппэт.

☀️Төрөөбүт тылбыт маннык сайда турдун, ылбыт тэтиммитин ыһыктыбакка, таһыммытын түһэрбэккэ салгыы баран иһиэҕин.

Уөрэх уонна билим миниистирэ Ирина Любимова.

Источник: Минобрнауки Якутии